Місіі ў мінскай парафіі Божага Цела
З 23 па 30 лістапада ў парафіі Божага Цела ў Мінску, якой апякуюцца айцы кармэліты, пройдуць парафіяльныя місіі.
Парафіяльныя місіі
— гэта рэкалекцыі, якія праводзяцца раз на некалькі гадоў для цэлай парафіі. Мэтай місій з’яўляецца ўмацаванне і аднаўленне веры.
Місіі ў мінскай парафіі правядуць кармэліты босыя з парафіі Маці Божай Шкаплернай з Гудагая (Гродзенская дыяцэзія).
Праграма місій
- Нядзеля, 23 лістапада
- Панядзелак, 24 лістапада — Дзень аднаўлення веры (Падчас святых Імшаў — вызнанне веры (неабходна прынесці свечкі з хросту або набыць місійныя свечкі; лісткі з вызнаннем трэба падпісаць — прыгожыя можна надрукаваць))
- Аўторак, 25 лістапада — Дзень памерлых (Трэба прынесці «задушкі» (картачкі з імёнамі памерлых)
- Серада, 26 лістапада — Дзень хворых і сем’яў (Трэба прынесці (або набыць) сямейны абраз)
- Чацвер, 27 лістапада —Дзень Эўхарыстыі (Трэба прынесці або набыць малітоўнік)
- Пятніца, 28 лістапада — Дзень паяднання
- Субота, 29 лістапада — Дзень Марыі (Неабходна прынесці (або набыць) марыйны абраз і ружанец)
- Нядзеля, 30 лістапада — Завяршэнне місій (Неабходна прынесці (або набыць) малы або большы па памерах крыж)